REQUISITOS

• Estar empadroado no Concello da Coruña.
• Ter recoñecidas dificultades de mobilidade que impidan o uso do transporte público colectivo ou unha discapacidade visual que implique un grao das limitacións na actividade igual ou superior ao 75%.

DOCUMENTACIÓN

• Impreso de solicitude.
• 2 fotografías tamaño carné recentes e orixinais.
• DNI. En caso de menores de 14 anos que non dispoñan do mesmo, achegarase DNI da nai, do pai ou do titor legal.
• Certificado do grao de discapacidade no que conste que ten recoñecida a imposibilidade de uso do transporte público, expedido polos Equipos de Valoración e Orientación - EVO.

RENOVACIÓN

É necesario presentar unha solicitude no Rexistro Xeral Municipal ou Sede electrónica achegando 2 fotografias recentes e orixinais. A valoracion da discapacidade, se a anterior non era definitiva.

RECOLLIDA DO CARTÓN

Unha vez que o interesado recibe no seu domicilio a notificación da concesión do cartón, pode pasar a recollela na Sección de Circulación situada na planta baixa da Estación de Autobuses, Cale Cabaleiros nº 21 (Estación de Autobuses) achegando a seguinte documentación:

• DNI do titular.(orixinal)
• Notificación da concesión.
• Cartón anterior (no suposto de renovación).

O cartón só pode ser retirada de maneira presencial polo titular.

EXPEDICIÓN DE DUPLICADO POR DETERIORACIÓN, PERDA Ou ROUBO

• Impreso de solicitude (pódese recoller nas oficinas do Rexistro da área Económica Municipal ou descargar da páxina web: www.coruna.es).
• DNI. En caso de menores de 14 anos que non dispoñan do mesmo, achegarase copia do DNI da nai, do pai ou do titor legal.
• 2 fotografías tamaño carné.
• Denuncia (no suposto de roubo ou perda).
• Abonar a taxa establecida de 3 euros (Ordenanza Fiscal nº 1, epígrafe 1.12.2) en Caixa Municipal nos Servizos Económicos da C/ Franxa.

A citada documentación débese presentar nas oficinas do Rexistro da área Económica Municipal.

BAIXA DO CARTÓN

• Rexistro Xeral Municipal, xunto cunha solicitude de baixa.
• Na propia oficina de Circulación na Estación de Autobuses.

VIXENCIA DO CARTÓN

Vén determinada polo Certificado de Discapacidade

• Certificado Definitivo: o cartón ten unha validez de 10 anos, ao termo dos cales hai que renovala.
• Certificado Provisional: a validez do cartón é a mesma que a do certificado de discapacidade. Para renovala deberá presentar un novo certificado de discapacidade.
• O cartón ten validez en todos os países da Comunidade Económica Europea.