REQUISITOS:

• Estar empadroada/o no Concello da Coruña cunhn antigüidade mínima de 6 meses.
• Estar en situación de desemprego cunha antigüidade mínima de 1 mes desde a última data de alta.
• Ser maior de 16 anos e menor de 65 anos.

DOCUMENTACIÓN:

• DNI orixinal
• Informe de períodos de inscrición expededido o mesmo día da solicitude ou o día anterior a esta polo Servizo Público de Emprego de Galicia (SEPG)

• Para as persoas estranxeiras en situación administrativa irregular que non teñan residencia legal no país: declaración na que se lle autoriza ao concello o acceso de datos do INSS necesarios para comprobar que se cumpren os requisitos establecidos (este impreso poderase obter directamente en portelo ou ser descargado na páxina web do Concello da Coruña).

Requirirá a presenza da persoa titular.

Esta tarxeta ten unha validez de seis meses, sempre que a/o solicitante se manteña empadroada/o no Concello da Coruña e en situación de desemprego. (En caso de variar a condicion de desemprego, deberá achegarse ás nosas oficinas municipais para o seu cambio de perfil).

Roubo, perda ou deterioración

En caso de roubo, perda, deterioración ou mal funcionamento da tarxeta pódese solicitar un duplicado ou a reparación dela (segundo proceda), en calquera caso, é necesario que a persoa titular comunique o máis axiña posible (de forma presencial ou telefonicamente) a perda da tarxeta para que se poida bloquear.

Substitución da tarxeta por roubo, perda ou extravío

É necesario aboar a taxa establecida, 7 €, (Ordenanza fiscal núm. 1, epígrafe 1.11.4).

Ao solicitar o duplicado da tarxeta facilitarase o impreso de autoliquidacións; unha vez aboada a taxa (na Caixa Municipal ou en calquera das oficinas de Abanca), a persoa usuaria débese dirixir co xustificante de pago á oficina de tramitación para a expedición da tarxeta.

Centros de tramitación da Tarxeta Millennium:

• Rexistro Xeral do Palacio Muncipal, praza de María Pita
• Rexistro Auxiliar do Centro Sociocultural Ágora
• Forum
• A Franxa

Comentarios adicionais

A renovación pódese tramitar calquera día dentro do mes de vencemento da tarxeta, independentemente do día exacto de solicitude por primeira vez da tarxeta.

Se a documentación entregada está completa, a tarxeta expedirase no momento.