Reforzaranse os servizos de bus urbano na contorna dos cemiterios municipais segundo o seguinte detalle:

Día 31 de outubro e 1 de novembro: reforzaranse as liñas 23 e 23A (cemiterio de Feáns) con 2 buses máis. A frecuencia combinada de ambas as liñas será de 17 minutos.

Día 1 de novembro:

Reforzarase a liña 3 (cemiterios de San Pedro de Visma e Santo Amaro) cunha frecuencia combinada coa liña 3A de 16 minutos.

Ao cemiterio de San Pedro de Visma tamén dan servizo as liñas 12 e 14.

A liña 11 reforzarase con dous buses ao longo de toda a xornada. Dáselle servizo ao cemiterio de Santo Amaro cunha frecuencia de 17 minutos.

As restantes zonas da cidade están comunicadas co cemiterio de Santo Amaro a través das liñas: 4, 5, 6, 6A, 7 e 17.

O cemiterio de Oza (Castrillón) está comunicado mediante as liñas: 1, 12A e 14.

Ao cemiterio de San Cristovo das Viñas darán servizo as liñas 5, 12A e 22.