Para xerar o código QR a aplicación necesita saber en que parada de autobús estás polo que debe acceder á localización do dispositivo. Se non o xera o máis probable é que a aplicación non poida obter a dita localización. Isto pódese deber a varios motivos:

1. Non tes a localización activada no dispositivo. Comproba que tes o GPS activado e a opción de "Busca por Wi-Fi". Esta opción fará que a xeración do QR sexa máis rápida ao obter antes a localización.
2. A aplicación non ten permisos para acceder á localización. Comproba nos permisos da aplicación que tes permitido o acceso á localización precisa durante a execución da aplicación. Se tes dúbidas de como facelo, o máis sinxelo é desinstalar e volver instalar a aplicación para que o móbil che volva preguntar se lle dás permiso e poidas outorgarllo.