Nesta consulta pública recollerase a opinión dos suxeitos e das organizacións máis representativas potencialmente afectadas pola futura norma acerca de:

1. Os problemas que se pretenden solucionar coa iniciativa
2. A necesidade e oportunidade da súa aprobación
3. Os obxectivos da norma
4. As posibles solucións alternativas regulatorias e non regulatorias

En cumprimento do anterior e de acordo co disposto na resolución do 15 de xaneiro de 2026 da Concellería de Infraestruturas e Mobilidade, por delegación da Xunta de Goberno Local, e seguindo as instrucións dos procesos participativos municipais, formúlase a consulta pública que se contén a continuación.

A cidadanía, organizacións e asociacións que así o consideren poderán facer chegar as súas opinións e suxestións sobre os aspectos incluídos na consulta, ata o próximo día 27 de febreiro de 2026.

Non será necesario que os remitentes estean identificados. Con carácter xeral, as achegas consideraranse confidenciais e de libre difusión. As partes que se consideren confidenciais deberán ser especificamente sinaladas e delimitadas nos comentarios, motivando as razóns para a dita cualificación.

Moitas grazas pola súa colaboración na procura dunha mobilidade sostible, saudable e inclusiva.