• Preinscrición de actividades e clubs

Realizarase preferentemente en liña os días 2, 3 e 4 de setembro (xoves, venres e sábado), a través desta web municipal e cubrindo este formulario.

O número de teléfono ao que poderán chamar todas aquelas persoas que non teñan acceso a Internet (as preinscricións serán preferentemente en liña) será o 881 150 191 en horario de 10.00 a 14.00 h e de 16.00 a 20.00 h os días 2, 3 e 4 de setembro.

Dentro do formulario aparecerán dúas opcións para a preinscrición, unha para as actividades socioculturais e outra para os clubs. Cada persoa poderá preinscribirse nun máximo de tres actividades e tres clubs por centro, e sempre por orde de preferencia.

Os sectores de poboación aos que van dirixidos as actividades e clubs son os seguintes:

Menores: de 4 a 12 anos

Mocidade: de 13 a 17 anos

Interxeracional: de 18 anos en diante

Maiores: de 55 anos en diante

Clubs: de 18 en diante

• Publicación de listaxes nos centros cívicos co número que lle corresponde a cada persoa para o sorteo.

Día 8 de setembro

• Sorteo público

Día 9 de setembro

Realizaranse dous sorteos independentes en cada centro cívico, un para as actividades socioculturais e outro para os clubs.

Hora: 10.00 h

A partir dos números resultantes para cada centro cívico no sorteo público, elaboraranse as listaxes de admisións e as de espera.

• Publicación das listaxes provisionais de admisións e listaxes provisionais de espera

Día 21 de setembro

Ambas as listaxes poderanse consultar nesta web, nos centros cívicos ou chamando ao teléfono 010 de información cidadá.

A realización das actividades/clubs estará condicionada a alcanzar un número mínimo de 5 participantes.

• Reclamacións

Días 22 e 23 de setembro a través do 010 en horario de 11.00 a 13.30 h e de 16.00 a 18.00 h

• Prazo de inscrición e pagamento de taxas

Días 24, 27 e 28 setembro

O pagamento de taxas das actividades realizarase de maneira presencial obtendo un modelo de folla de autoliquidación no centro cívico. Esa folla cubrirase cos datos persoais de cada participante e farase o pagamento do prezo público correspondente na sede bancaria. Entregarase o xustificante de aboamento no propio centro. O prezo público establécese segundo a Ordenanza Fiscal número 43, reguladora do prezo público por prestación de servizos e utilización de instalacións culturais, educativas, de lecer e análogas de titularidade municipal.

O prezo de todas as actividades será de 7 euros, excepto para os clubs, que serán impartidos por persoas voluntarias e serán gratuítos, e as actividades de apoio escolar, alfabetización e cultura xeral, que tamén serán gratuítas.

O aboamento do prezo público e a entrega no centro cívico do impreso selado pola entidade bancaria en data son imprescindibles para iniciar a actividade. De non facelo así, perderase o dereito á praza e procederase a chamar a persoa que corresponda da listaxe de espera.

Non se admitirá a inscrición definitiva dunha mesma persoa na mesma actividade en centros cívicos diferentes. De darse o caso, procederase a anular todas as inscricións desta persoa na mencionada actividade.

Os días en que a actividade comece ou finalice en festivo ou coincida en festivo o día da actividade, non se impartirá a clase.

As actividades e clubs que se convocan por centro pódense consultar nas seguintes ligazóns.

• A Silva
• Artesáns
• Castrillón
• Castro de Elviña
• Cidade Vella
• Eirís
• Elviña
• Feáns
• Labañou
• Os Rosales
• Mesoiro
• Monelos
• Monte Alto
• Novoboandanza
• Os Mallos
• Palavea
• Pescadores
• San Diego
• San Pedro de Visma
• Santa Margarida
• Sagrada Familia
• Santa Lucía
• Nostían

Criterios de participación no programa de actividades socioculturais de prevención e cooperación social dos centros cívicos municipais

PREVENCIÓN COVID -19

1. A asistencia ao centro será posible coa condición de que non se teñan síntomas de carácter respiratorio nin sintomatoloxía compatible coa COVID-19.

2. Deberanse seguir as normas de hixiene, de seguridade e de mantemento da distancia física recomendadas polas autoridades sanitarias. O incumprimento consciente e reiterado destas indicacións poderá supoñer a expulsión do centro cívico.

3. A partir dos 6 anos deberán levar máscara de acordo co establecido no artigo 6 do Real decreto lei 21/2020, do 9 de xuño, de medidas urxentes de prevención, contención e coordinación para facer fronte á crise sanitaria ocasionada pola COVID-19.

4. Respectar, con suma puntualidade, as indicacións de horario co fin de regular os fluxos de circulación no centro cívico.

5. Cada persoa deberá achegar o material necesario para o desenvolvemento da actividade, para evitar usar obxectos comúns.

6. Aínda que os centros cívicos están equipados con xeles hidroalcohólicos, é recomendable que cada persoa leve, ademais, o seu propio xel.