A Federación Galega de Enfermidades Raras e Crónicas (FEGEREC) vai levar a cabo o domingo 16 de febreiro na Coruña un evento solidario co obxectivo de recadar fondos para as enfermidades raras. Trátase da IV Gala Internacional de Patinaxe Artística, na que participan clubs de patinaxe artística de toda Galicia, patinadores de categoría internacional e os actuais campións do mundo de patinaxe, Sara Venerucci e Danilo Decembrini. As invitacións para esta gala poderanse adquirir a través dun donativo de 5 euros das seguintes maneiras:

• Na tenda en liña de FEGEREC (www.fegerec.es)
• Chamando ao teléfono 981 234 651
• Na sede de FEGEREC
• No posto do Centro Comercial Catro Camiños do 10 ao 15 de febreiro
• No despacho de entradas do Palacio de Deportes da Coruña o 16 de febreiro

(As invitacións adquiridas na tenda ou a través do teléfono poderanse retirar na sede de FEGEREC, no posto do Centro Comercial Catro Camiños ou en despacho de entradas).

Tamén se habilitou unha Fila 0 no núm. de conta 0182 0547 83 0201530474 para quen non lle sexa posible asistir a este espectáculo pero queira colaborar coa Federación Galega de Enfermidades Raras e Crónicas.