A Xunta de Goberno Local, na sesión celebrada o 21.05.2025, acordou aprobar inicialmente o "Documento de redelimitación do ámbito de agregación parcelaria (84200). Abril de 2025", redactado polos arquitectos José Mantiñán Adoitar e César Fernández Bellón, cos números de colexiado do COAG 1048 e 3743.

En cumprimento do artigo 243 do Decreto 143/2016, de 22 de setiembre, polo que se aproba o regulamento da Leiy 2/2016, de 10 de febreiro, do chan de Galicia (RLSG/16), sométese o expediente a información pública polo prazo dun (1) mes contado desde o día seguinte ao da última das publicacións deste anuncio, no Boletín Oficial da Provincia ou nun dos xornais de maior difusión na provincia, para que calquera persoa poida examinar o proxecto de redelimitación e formular as alegacións que procedan.

A documentación estará a disposición das persoas interesadas no taboleiro de anunncios da sede electrónica do Concello, no apartado de publicidade oficial, taboleiro de anuncios e edictos do Concello da Coruña, información urbanística; na web de Urbanismo, na apartado exposición pública, e no visor Desenvolvemento do Plan. Tamén poderá consultarse fisicamente nas dependencias da área de Urbanismo, Rehabilitación e Vivenda do Concello da Coruña (praza de Indalecio Prieto, 1-3), de 9:00 a 13:00 horas, de luns a venres.

A Coruña, 4 de xuño de 2025

Concelleiro delegado responsable da área de Urbanismo, Rehabilitación e Vivenda