Documentación (particulares):

• DNI (no suposto de menores de idade, ademais do DNI do pai, da nai ou titor/a legal, deben achegar o da persoa interesada, se dispón del).
• Aboar a taxa establecida.
• En caso de menores de idade, o contrato debe ir asinado polo pai, a nai ou titor/a legal.

Documentación (empresas):

• CIF
• O contrato debe estar asinado por unha persoa autorizada e acreditar a dita autorización.
• Aboar a taxa establecida.

Custo da tarxeta (taxa):

Persoas empadroadas e non empadroados no Concello da Coruña: 3 €

Pódese realizar o aboamento da taxa na Caixa Municipal ou a través de calquera oficina de Abanca, Sabadell, Santander, BBVA, Caixa Bank.

Tamén pode realizar o pago en liña das taxas da Tarxeta Millennium. Este procedemento require que vostede dispoña dun certificado dixital válido.

Unha vez pagada a taxa, a/o solicitante debe dirixirse de novo á oficina na que realizase a solicitude da tarxeta, co xustificante de pago, para que lle expidan a tarxeta.

Roubo, perda ou deterioración:

En caso de roubo, perda, deterioración ou mal funcionamento da tarxeta pódese solicitar un duplicado ou a reparación dela (segundo proceda). En calquera caso, é necesario que a/o titular comunique o máis axiña posible (de forma presencial ou telefonicamente) a perda da tarxeta para que se poida bloquear.

Substitución da tarxeta por mal funcionamento

No caso de que a substitución da tarxeta se produza polo seu mal funcionamento, sen responsabilidade da persoa usuaria (por tanto debe achegar a tarxeta), non é necesario aboar ningunha taxa e a tarxeta expídese no momento.

Poderá recuperar o saldo que tiña na tarxeta, acudindo a unha das oficinas de Abanca na opción de Aboamentos pendentes.

Substitución da tarxeta por roubo, extravío ou rotura

É necesario pagar a taxa establecida: 7 €, (Ordenanza fiscal, núm. 1, epígrafe 1.11.4).

Ao solicitar o duplicado da tarxeta facilitarase o impreso de autoliquidacións; unha vez aboada a taxa, a persoa usuaria débese dirixir co xustificante de pagamento á oficina de tramitación para a expedición da tarxeta.

Normas xerais:

• O custo de cada viaxe é de 0,75 €.
• Transbordo permitido entre liñas gratuíto (máximo 45 minutos)
• Esta tarxeta non é necesario renovala.
• A tarxeta recóllese presencialmente.