ANUNCIO de aprobación inicial do estudo de detalle da mazá Z4-R3L zona 4, mazá R3, SURT 1 San Pedro de Visma, A Coruña (expediente 631/2024/59).

A Xunta de Goberno Local, na sesión celebrada o 5 de febreiro de 2026, acordou aprobar inicialmente o documento denominado "ESTUDO DE DETALLE DA MAZÁ Z4-R3L ZONA 4, MAZÁ R3, SURT 1 SAN PEDRO DE VISMA. XANEIRO 2025", promovido por METROVACESA, S.A, e asinado polos arquitectos Álvaro Pedro Romeu Gil-Delgado co número de colexiado 979 do COAG, e Hugo Romeu Novás, co número de colexiado 4.654 do COAG, debendo incorporarse as emendas sinaladas no informe municipal de 29.01.2025, para a aprobación definitiva do documento.

En cumprimento do disposto no artigo 80.2 da Lei 2/2016, de 10 de febreiro, do chan de Galicia, e artigos 194.2 e 207 do seu Regulamento, sométese o expediente a información pública polo prazo dun (1) mes contado desde o día seguinte ao da última das publicacións deste anuncio, no Diario Oficial de Galicia ou dun dos xornais de maior difusión na provincia, para que calquera persoa poida examinar o estudo de detalle e formular as alegacións que procedan.

A documentación estará a disposición no taboleiro de edictos da sede electronica do concello na apartado información urbanística; na páxina web de Urbanismo no apartado de exposición pública, e no visor "Desenvolvemento do Plan". Tamén poderá consultarse fisicamente nas dependencias da área de Urbanismo, Rehabilitación e Vivenda do Concello da Coruña (praza de Indalecio Prieto, 1-3), de 9:00 a 13:00 horas, de luns a venres.

A Coruña, 10 de febreiro de 2025

Concelleiro delegado responsable da área de Urbanismo, Rehabilitación e Vivenda