O Concello celebrará o venres 20 de febreiro a gala do circuíto de carreiras populares Coruña Corre, que servirá como peche da edición do 2025 e anuncio das próximas carreiras a celebrar en 2026.

A gala, que se levará a cabo no Centro Sociocultural Ágora, comezará ás 20.00 horas o venres 20 de febreiro, e estará presidida pola alcaldesa, Inés Rey. Conducirá o acto o presentador habitual das carreiras, Xalo Maira. Entregaranse os premios aos gañadores/as de cada unha das categorías dos participantes ao circuíto, e un agasallo aos que participaron en 5, 6 ou 7 das carreiras que integran o circuíto.

Durante o 2025 foron sete as probas do circuíto Coruña Corre: Torre de Hércules, Baixada Popular de Cross San Pedro de Visma, Carreira Popular Os Rosales, Carreira Popular Matogrande, Carreira Popular Volta a Oza, Carreira Popular Ventorrillo e Carreira Popular Novo Mesoiro. 

A participación feminina representou preto do 45 % das persoas rexistradas no circuíto, confirmando a ampla implicación das mulleres no deporte popular e o avance cara á igualdade efectiva.