ACTIVIDADES SOCIOCULTURAIS NOS CENTROS CÍVICOS

Os centros cívicos municipais ofertan un amplo catálogo de actividades socioculturais que se realizarán de setembro a decembro de 2016.
A programación contempla actividades de lecer, de estimulacion mental, fomento de hábitos saudables, actividades artísticas etc. Hai actividades para todas as idades: infancia, mocidade, maiores, e tamén se realizan actividades en familia.

Nesta convocatoria tamén haberá actividades específicas para menores con necesidades educativas especiais.

Preinscrición

1, 2 e 3 de setembro (xoves, venres e sábado), en horario de 10.30 a 13.30 h e de 17.00 a 20.30 h

Sorteo público

Sábado 3 de setembro ás 20.45 h

Exposición de listaxes de admisións e reservas

Xoves 15 de setembro. As listaxes poderanse consultar no centro cívico onde se solicitou a actividade, no Teléfono de Información Cidadá 010 e nesta páxina web.

Inscrición

Días 20, 21 e 22 de setembro (martes, mércores e xoves), en horario de 10.30 a 13.30 h e de 17.00 a 20.30 h

A inscrición definitiva nas actividades farase efectiva coa presentación, no centro cívico, do documento bancario acreditativo do aboamento do prezo público. Este trámite deberase realizar dentro do prazo e horario indicados anteriormente e, de non ser así, perderase o dereito para participar nas actividades.

PROGRAMA ENVELLECEMENTO ACTIVO

Contempla accións gratuítas de carácter preventivo, de promoción e participación social, dirixidos a persoas maiores de 55 anos.

Este programa está cofinanciado pola Deputación da Coruña.

Inscrición

Días 21, 22 e 23 de setembro (mércores, xoves e venres), en horario de 10.30 a 13.30 h e de 17.00 a 20.30 h

No caso de haber máis solicitudes que prazas, procederase a realizar un sorteo público.

As actividades do programa de envellecemento activo realizaranse nos centros cívicos de: Elviña, A Silva, Pescadores, Santa Margarida, Rosales, Cidade Vella, Monte Alto, Palavea, Labañou, Novoboandanza, Feáns e San Pedro de Visma.

Nas seguintes ligazóns pódense consultar as actividades socioculturais e do programa de envellecemento activo (dirixidas a maiores de 55 anos cofinanciadas pola Deputación da Coruña) que se ofertan en cada centro cívico.

• Centro cívico Artesáns
• Centro cívico A Silva
• Centro cívico Castrillón
• Centro cívico Castro de Elviña
• Centro cívico Cidade Vella
• Centro cívico Eirís
• Centro cívico Elviña
• Centro cívico Feans
• Centro cívico Labañou
• Centro cívico Santa Lucía
• Centro cívico Os Mallos
• Centro cívico Santa Margarida
• Centro cívico Mesoiro
• Centro cívico Monelos
• Centro cívico Monte Alto
• Centro cívico Novoboandanza
• Centro cívico Palavea
• Centro cívico San Pedro de Visma
• Centro cívico Pescadores
• Centro cívico Rosales
• Centro cívico Sagrada Familia
• Centro cívico San Diego