O Concello da Coruña, a través do Servizo de Normalización Lingüística, está adherido á Rede de Dinamización da Lingua, da Xunta de Galicia. 

A través da Secretaría Xeral da Lingua, e xestionado polo gabinete provincial, no Concello da Coruña organizarase este verán un curso gratuíto de achegamento á lingua galega, co fin de favorecer un maior emprego do noso idioma propio e poñer en valor as accións para prestixiar e atraer a xente cara ao galego, especialmente as dirixidas ao alto número de persoas provenientes do exterior.

• Curso de introdución á lingua e á cultura galegas 

1. DATAS: 20, 21, 22, 23, 27, 28, 29 e 30 de xullo
2. HORARIO: das 16.00 ás 18.30 horas
3. ONDE: Edificio Administrativo Monelos (rúa Vicente Ferrer, 2)
4. INSCRICIÓN: dende o 18 de xuño a través do correo electrónico inscricionslingua@coruna.gal 
5. DATOS NECESARIOS: nome e apelidos, teléfono, nacionalidade e número de pasaporte/DNI/NIE 

O curso realizarase en modalidade presencial e terá unha duración de 20 horas, tras as que se entregará un diploma que emite a propia Xunta de Galicia. 

O alumnado contará con material didáctico. 

O prazo de inscrición manterase aberto ata que se cubran as prazas por orde de solicitude.