O Pazo de María Pita acollerá mañá, ás 12.30 horas, un Pleno extraordinario que ten como asunto único o planteamento dunha cuestión de confianza vinculada á aprobación do Orzamento anual, así como os demais acordos complementarios aos mesmos. O Goberno local tratará de sacar adiante, desta forma, o seu proxecto orzamentario, que se basea en seis eixos de acción prioritarios na cidade para 2017 como son o Dereito á Vivenda, o Coidado do Espazo Público, a Mobilidade Sostible, unha Economía para as Persoas, a aposta pola Área metropolitana e o Dereito a unha Vida Digna.