Cando:
5 de xullo de 2015
Extinguido un incendio nunha caseta do peirao de Calvo Sotelo
Os bombeiros da Grela desprazáronse a primeira hora da mañá deste domingo, 5 de xullo, ao peirao de Calvo Sotelo debido a un incendio declarado nunha pequena edificación que contén transformadores que dan servizo ao propio peirao.
A chamada de alerta produciuse entorno as 08.30 horas da mañá e foi preciso solicitar a presenza dos técnicos de Gas Natural-Fenosa, para que acudisen ao lugar do incidente e poder cortar o subministro eléctrico. Como consecuencia deste corte, parte da zona centro quedou sen luz aproximadamente durante unha hora, xa que foi necesario interrumpir o subministro en distintos lugares.
Unha vez que os técnicos de Gas Natural-Fenosa procederon ao corte eléctrico, os bombeiros puideron acceder á zona en chamas, aplicando CO2 e despois cubrindo toda a zona afectada con espuma.
Todo semella indicar que o incendio se debeu a unha sobrecarga nun dos contadores que se atopaba dentro da caseta incendiada.
Categorías da noticia
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible