O gran lume fai que sexa imposible de conter con só os bombeiros de Arteixo, polo que estes solicitan apoio de Bombeiros A Coruña, Carballo e Betanzos, ademais de efectivos de Protección Civil, Axega e Policía Local e Garda Civil. Desde A Coruña sáese con 4 dotacións. O fume pódese ver desde a cidade da Coruña.

Desde o lonxe xa se intúe as dimensións que pode ter o incendio. Con parte da estrutura colapsada, os equipos intervenientes distribúense para contelo. A proximidade do encoro e a axuda dos equipos da Refinería Repsol foron imprescindibles para poder conter as inmensas chamas. Non foi ata pasadas as 23.30 horas cando se considerou como controlado o incendio, aínda que tiveron que pasar días para poder dar por finalizada a súa extinción total.