Sobre as 0.55 horas do día sinalado, entra unha chamada do 112 para lles prestar axuda aos compañeiros do parque comarcal de Arteixo nunha nave do polígono La Artística. A un quilómetro do lugar, vemos unhas chamas xigantescas e cremos que o incendio é máis do que nos dicían. Á chegada vemos unha imaxe dantesca. Practicamente todo un bloque do polígono está en chamas. Trasládase pois, todo o persoal do parque con practicamente todos os camións con auga e autoescalas. A intervención durou unhas sete horas e calcinou 14 naves por completo e 3 resultaron danadas. No devandito incendio participamos os bombeiros de Arteixo, Carballo, Cambre e A Coruña, así como persoal da refinería Repsol, facilitando auga.