O alcalde da Coruña, Xulio Ferreiro, e o concelleiro de Culturas, Deporte e Coñecemento, José Manuel Sande, participarán mañá, ás 20.00 horas na Casa da Cultura Salvador de Madariaga, no acto inaugural da exposición Panorama da BD galega, unha escolma e revisión da produción gráfica de 68 artistas do cómic de Galicia deste pasado ano. Ata agora, a mostra integrábase dentro da programación de Viñetas desde o Atlántico, pero co obxectivo de dar a coñecer e difundir as numerosas propostas que se están a realizar na actualidade desde A Coruña e Galicia, a Concellería de Culturas optou por desvincular, temporalmente, esta exposición do salón. Así, Panorama da BD pasará a ter maior protagonismo e, por vez primeira, contará cun catálogo específico que incluirá un traballo de cada artista, co obxectivo de dar maior visibilización ao sector, na liña de actuacións que a área que dirixe José Manuel Sande está a impulsar desde o lanzamento de Coruña Gráfica. A exposición, que conta con Jano Viñuela como comisario, ofrecerá dúas obras de cada un dos 68 autores e autoras que forman parte da mesma --e que teñen vinculación con Galicia--, como reivindicación do importante número de creadoras e creadores de historietas que se está a dar na actualidade, na que conviven debuxantes de longa traxectoria e artistas emerxentes que están a realizar as súas primeiras publicacións, e moi recoñecidas no sector.

A exposición poderase visitar desde mañá, 2 de maio, ata o 4 de xuño todos os días, en horario de 12.00 a 14.00 horas e de 18.00 a 21.00 horas.

Autoras e autores partipantes: 

• Juan Carlos Abraldes
• Cynthia Alfonso
• Mateo Alvarellos
• Abel Alves
• David Amoedo
• José Ángel Ares
• Leandro Barea
• Fonso Barreiro
• Víctor Boullón
• Los Bravú (Dea Gómez & Diego Omil)
• Uxío Broullón (Ictioscopio)
• David Buceta
• Fran Bueno
• Álex Cal
• Jorge Campos
• Pepe Carreiro
• Inés Casarejos
• Mariano Casas
• Tirso Cons
• Xiomara Correa
• Sergio Covelo
• Manel Cráneo
• Miguel Cuba
• Debelius
• Paula Esteban
• Jacobo Fernández
• Teresa Ferreiro
• Nuria Figueiredo
• Cristian Fojón Caruncho
• Begoña García-Alén González
• Alejandro Gaudino
• Ernesto González Torterolo
• Santy Gutiérrez
• Julia Huete
• Fernando Iglesias
• Jano
• José Domingo 
• Fernando Llor
• Álvaro López
• Andrés Magán
• Pepe Mansilla
• Roberto Martínez Soler
• Joger Monlongo
• Javi Montes
• Santiago Paredes
• Jorge Peral
• Perrilla
• Xulia Pisón
• Miguel Porto
• Miguelanxo Prado
• Pepa Prieto Puy
• Emma Ríos
• Víctor Rivas
• Brais Rodríguez
• Roque Romero
• David Rubín
• Iván Sende
• Luís Sendón 
• Iván Suárez
• Tokio
• Carlos Trigo
• Urbanoscar
• Roberta Vázquez
• Xulia Vicente
• Dani Xove
• Luis Yang
• Yupiyeyo (María Álvarez Hortas)
• Santi Zubizarreta