A entrada da Domus expón desde esta mañá un DeLorean DMC-12, a máquina do tempo que utilizaban os protagonistas da saga Regreso ao Futuro, para viaxar no tempo, un modelo, coincidindo coa nova sesión do ciclo Spoiler Científico, que este sábado dedica a sesión a analizar a ciencia que hai detrás de ‘Regreso ao Futuro II’. Nesta nova entrega do ciclo de divulgación científica, Borja Tosar e Xavier Fonseca falarán dalgúns dos “inventos” que aparecen na película, como os aeropatines, os reactores de fusión nuclear ou os vehículos voadores, e abordarán as viaxes no tempo.

A conferencia, que terá lugar este sábado, día 12, ás 19.30 horas, na Domus ten entrada libre ata completar o aforo.