A intelixencia artificial chega á Domus para complementar os contidos expositivos do museo, ofrecendo unha experiencia interactiva enriquecida que convida o público a coñecer ao ser humano desde novas perspectivas. Preséntanse cinco xogos interactivos para explorar a IA, tanto nas súas aplicacións en ámbitos como a arte ou a bioloxía, como na forma en que realiza a aprendizaxe.

Na titulado «Historia da IA» o público pode mover un cursor nunha pantalla táctil para realizar unha viaxe polos fitos máis importantes da historia da intelixencia artificial. A través dunha liña do tempo visual e lúdica, pódese coñecer como chegamos ata aquí e como a IA transformou a nosa forma de vivir, traballar, aprender e comunicarnos.

O módulo «emocionArte» convida a seleccionar tres emocións que representen o estado de ánimo que cada persoa poida sentir e ver como un modelo de IA xenerativa transfórmaas nunha obra de arte abstracta.

«Deseña unha proteína» é un videoxogo arcade para aprender como a IA axuda nos laboratorios para deseñar novas proteínas que poden contribuír á investigación. No titulado «O espello es ti», proponse converter a silueta propia nun lenzo sobre o que explorar a identidade noutras culturas a través das cores, das texturas e dos patróns das súas indumentarias tradicionais. E en «Redes en xogo» convídase a explorar as diferenzas entre a forma en que o cerebro humano e unha rede neuronal artificial aprenden a recoñecer padróns para interpretar a realidade.

Coa colaboración da Fundación Española para a Ciencia e a Tecnoloxía - Ministerio de Ciencia, Innovación e Universidades