Son cursos prácticos, dinámicos, totalmente gratuítos e impulsados por Red.es, entidade adscrita ao Ministerio de Asuntos Económicos e Transformación Dixital a través da Secretaría de Estado de Dixitalización e Intelixencia Artificial e cofinanciados polo Fondo Social Europeo.

Ademais da formación específica sobre ciberseguridade, os cursos complétanse con 12 horas de orientación laboral por alumno/a, e conta cun compromiso de inserción laboral de 6 meses tras concluír, polo menos para o 25% de todo o alumnado que finaliza o programa.

Poderá inscribirse toda persoa residente no municipio da Coruña en idade de traballar, apuntada como demandante de emprego no Servizos Públicos de Emprego de Galicia, sen necesidade de contar con ningunha formación  académica previa. Ademais, co obxectivo de diminuír a brecha de xénero existente nas profesións TIC, polo menos un 35% das prazas están destinadas a mulleres.

Este programa está cofinanciado co Fondo Social Europeo (FSE), con cargo ao Programa Operativo de Emprego, Formación e Educación (POEFE), co obxectivo de facilitar o acceso ao emprego a través da adquisición e/o actualización de competencias profesionais.

Esta formación supón unha oportunidade única para o alumnado, xa que ademais serán impartidos por entidades especializadas e de primeiro nivel como son Barrabés.biz e The Valley.