O Excmo. Concello da Coruña convoca prazas gratuítas para viaxar dentro das quendas programadas polo IMSERSO.

Os requisitos para poder participar nesta convocatoria son os seguintes:

Persoas empadroadas e residentes no Concello da Coruña

Atoparse, polo menos, nunha das seguintes situacións:

• Ser maior de 65 anos.

• Ser pensionista de xubilación do Sistema Público de Pensións.

• Ser pensionista de viuvez do Sistema Público de Pensións con idade igual ou superior a 55 anos.

• Outros pensionistas do Sistema Público de Pensións e prexubilados, en ambos os casos con 60 anos cumpridos.

Ter unha capacidade económica persoal anual inferior ou igual a 11.928,22 €. (1,6 veces o IPREM do ano 2014).

Na valoración da capacidade económica persoal teranse en conta os ingresos netos das persoas solicitantes, cónxuxe ou parella de feito recoñecida legalmente, ascendentes ou fillos/as menores de 25 anos ou maiores de 25 anos en situación de discapacidade que dependan economicamente da persoa solicitante.

Ter a autonomía suficiente para realizar actividades básicas da vida diaria e non padecer enfermidade ou deterioración cognitiva que incidan na convivencia durante a viaxe.

O impreso de solicitude poderase recoller na Rede de Centros Cívicos Municipais e na Oficina Municipal de Dependencia, Maiores e Discapacidade (OMAD).

As solicitudes presentaranse debidamente cuberto na OMAD, do 26 de maio ao 2 de xuño en horario de 9.00 a 13.30 horas.

Nos detalles desta noticia, hai un documento no que se pode consultar toda a información.