A Concellería de Culturas, Deporte e Coñecemento, área que dirixe José Manuel Sande, afonda no compromiso do Goberno local coa promoción e divulgación da cultura científica a través da programación dos Museos Científicos Coruñeses. Mañá xoves 23, ás 19.30 horas, a Domus acollerá a a ponencia Canles de ións: o seu descubrimento e o seu papel en farmacoloxía e biomedicina, ofrecida por Erwin Neher, recoñecido no ano 1991 co premio Nobel e Fisioloxía e Medicina.

Os traballos e investigacións de Neher, centrados en metodoloxías para estudar sinais en células nerviosas, resultaron fundamentais para o coñecemento actual da estrutura e función do sistema nervioso. A entrada para a ponencia, organizada por CorBi Foundation e os Museos Científicos, é libre ata completar a capacidade do auditorio da Domus.