Se o domingo fuches unha das máis de mil persoas que participaron na décimo terceira edición da Baixada de San Pedro de Visma e queres revivir a carreira ou se simplemente queres ver aos corredores e corredoras en acción, tes xa á túa disposición o vídeo e a galería de imaxes desta esixente proba, a terceira do Circuíto Coruña Corre 2022.

O sol acompañou a xornada e a calor complicou a xa de seu difícil misión de ser finisher neste cros. A brisa do Océano Atlántico e as vistas ao Portiño, ao escenario de Coruña Big Waves, desa onda xigante que cabalgan os surfeiros, aliviaron o paso dos e das atletas na súa subida pola ladeira do Parque de Bens .

En total, case seis quilómetros e medio de esforzo, tesón e tamén felicidade ao chegar á liña de meta, coa Torre de Hércules como testemuña na distancia. Nese arco final, seguro que á satisfacción de superar o reto de Visma sumáronse as ganas de ir a por máis. Ao virar a esquina, o vindeiro domingo 22 de maio, chegará a cuarta entrega desta tempada, a carreira popular dos Rosales. Ata o domingo 15 ás 23.59 horas podes inscribirte. Mentres tanto, goza coas fotos e o vídeo da nosa Baixada con maior subida.

Galería - XIII Baixada Popular de Cros San Pedro de Visma

Vídeo - XIII Baixada Popular de Cros San Pedro de Visma