O Concello da Coruña, a través da Oficina Municipal de Información ao Consumidor (OMIC), pon un ano máis en marcha a campaña da Casa dos Xoguetes, unha iniciativa pensada para fomentar o consumo consciente e responsable e para darlle unha nova vida a aqueles obxectos en bo estado que non teñen uso.

Ata o vindeiro 5 de xaneiro os interesados poderán entregar xoguetes en bo estado de conservación no local situado no número 9 da praza Mestre Mateo. Os xoguetes que se recollan terán que cumprir coas normativas europeas e destinaranse a nenas e nenos de ata 14 anos. Aceptarase un máximo de 10 xoguetes entregado por usuario.

As persoas interesadas en darlle un novo uso a eses obxectos poderán pasar polo mesmo local a retirar aqueles que consideren, ate un máximo tamén de 10 por persoa. A campaña ten como fin contribuír a fomentar un consumo responsable entre a cidadanía, alongando a vida útil dos obxectos dun xeito solidario e desinteresado que axuda tamén a reducir o volume de residuos xerados na cidade, evitando que acaben desbotándose obxectos que poden ser de valiosa utilidade para outra persoas.

Horarios de recollida e entrega:

Novembro:

De luns a venres de 10:00 a 19:00 horas. Sábados de 10:00 a 14:00 horas.

Decembro:

De luns a sábado de 10:00 a 19:00 horas. Domingos e festivos de 12:00 a 20:00 horas.

Os días 24 e 31 de decembro, horario especial de 12:00 a 18:00 horas.

Xaneiro:

Do 2 ao 4 de 10:00 a 19:00 horas. Día 1 de xaneiro de 12:00 a 18:00 horas. Día 5 de xaneiro de 10:00 a 21:00 horas