Ábrese unha convocatoria para solicitar praza nas escolas con 48 prazas vacantes. A súa adxudicación está sometida aos criterios de baremación sinalados nas Bases Reguladoras do proceso de admisión nas escolas infantís integradas na rede de escolas infantís municipais para o curso 2023-2024, publicadas no BOP nº 55 do 21 de marzo de 2023 e na resolución publicada no BOP nº 121 de 27 de xuño de 2023.

O prazo de solicitude será desde o 6 ao 16 de febreiro, ambas as datas incluídas. As solicitudes que resulten adxudicatarias de praza poderán formalizar a matrícula previa cita fixada pola escola correspondente.

LUGAR DE PRESENTACIÓN DA DOCUMENTACIÓN

A documentación e a ficha de solicitude asinada polos dous proxenitores deberá presentarse, preferiblemente, no rexistro electrónico do Concello (https://sede.coruna.gob.es), nos rexistros municipais ou por calquera outro medio permitido pola Lei de Procedemento Administrativo.

PUBLICACIÓN DE LISTAXES DEFINITIVAS E MATRÍCULA

As listaxes definitivas publicaranse o 22 de febreiro e a matrícula deberá formalizarse entre o 27 e o 28 de febreiro.