A Torre de Hércules iluminarase de morado mañá, día 21 de setembro, con motivo da celebración do Día Mundial contra o Alzheimer en solidariedade coas familias da cidade que manteñen a diario a loita contra esta enfermidade.

A Torre mudará a súa luz habitual co fin de sensibilizar á veciñanza sobre a doenza a petición da Asociación de Familiares de Enfermos de Alzheimer A Coruña (AFACO). O o monumento, na súa vontade de ser solidario con iniciativas da cidadanía, iluminarase tamén o vindeiro 2 de outubro de cor verde en apoio á Federación de Asociacións en Favor das Persoas con Discapacidade Intelectual de Galicia (FADEMGA FEAPS Galicia)