Máis dun milleiro de persoas apuntáronse á "Volta a Oza" e agora poden revivila en imaxes.

As mellores fotografías e o resumo, en vídeo, da quinta proba do Circuíto Coruña Corre, están xa dispoñibles.

Instantáneas para o recordo dunha travesía que partiu do parque de San Diego e pasou tamén polos de Oza e Eirís.

Son imaxes que reflicten o esforzo e a capacidade de superación de quen afrontou o reto de correr polos barrios herculinos nunha mañá deportiva con sol e temperatura estival.

Tamén expresan a alegría de compartir circuíto con decenas de persoas, lonxe da soidade que moitas veces acompaña os adestramentos, ou a sensación de dalo todo coas zapatillas de correr e o pracer de acadar a meta coa satisfacción de chegar á meta (ser "finisher") pero coa mente xa na seguinte etapa, porque Coruña Corre ten máis por diante.