Achégase o verán e despois dun intenso mes de maio en Coruña Corre, o circuíto de carreiras populares, o de 'A xente dos barrios', toma un respiro. A tempada renovarase en setembro, aínda con tres carreiras por disputar, incluída unha sorpresa.

Coruña Corre xa chegou ao seu ecuador. E si, falamos de ecuador porque, aínda que inicialmente estaban previstas sete probas e levamos catro, teremos unha nova cita no circuíto (Permanecede atentas e atentos!).

O ano comezou cunha proba invernal, o 23 de xaneiro, a sexta edición da carreira de Matogrande.

Despois, deulle a benvida á primavera o 26 de marzo coa décima entrega da carreira da Torre de Hércules #IMPORTAEMOITO, que veu acompañada dunha andaina, unha proba que se realizou á luz do faro romano e que tivo carácter solidario.

A principios de maio, a actividade trasladouse a San Pedro de Visma para afrontar a baixada con maior subida do circuíto, que xa vai polas trece edicións, e, preto de alí, nos Rosales, 'a xente dos barrios' deu conta o pasado domingo da cuarta proba do ano, que realizou a súa novena edición.

Achégase o verán e Coruña Corre abre unha paréntese que finalizará o 11 de setembro. Ese día, regresará coa Volta a Oza. A inscrición abrirase unhas semanas antes e cerrarase o 4 de setembro ás 23:59 horas.

Xa en outubro, concretamente o día 23, chegará a quenda da carreira do Ventorrillo e a último fin de semana de novembro, o domingo 27, Coruña Corre cerrará a tempada en Novo Mesoiro. E ollo, porque ás sete probas previstas, sumarase unha máis. Seguiremos informando...