AJE Provincia da Coruña e o Concello da Coruña presentaron o proxecto 'Comercio 360º' cos programas Lánzate a emprender e Propulsa o teu negocio

Propulsa o teu negocio! O programa que fortalece a túa empresa.

Sabemos que no día a día da túa empresa atópaste cunha serie de obstáculos que frean os teus obxectivos e non sempre dispós das ferramentas necesarias para poder facerlles fronte.

Por iso, poñemos en marcha Propulsa o teu negocio, un programa que che axudará a darlle un impulso a túa empresa e a mellorar a competividade en determinadas áreas baixo un modelo distinto.

Como o faremos?

1. Comezamos a traballar! Primeiro faremos unha breve diagnose do estado da túa empresa e indicarémosche a principal área que hai que mellorar, fixando un obxectivo claro.

2. Poñemos en marcha o plan. Asignámosche un mentor, un consultor experto profesional que che axudará a conseguir o obxectivo marcado previamente. A atención será personalizada e concrétase en 6 horas presenciais.

3. Revisamos o traballado. Completamos a túa formación naquelas áreas que máis o precisen se fose necesario.

Quen te vai propulsar e en que?

Tres expertos, consultores cunha ampla e contrastada experiencia profesional axudaranche a dar unha resposta directa, práctica e eficaz a problemas de xestión da túa empresa en tres áreas:

· Márketing e vendas

· Estratexia e modelos de negocio

· Financiamento e control da xestión