A instrución do procedemento de adxudicación das prazas convocadas para o programa BOLSAS EUROPA FP-PROXECTO ACOREUROPA XII correspóndelle ao Servizo Municipal de Educación (SME), que recibe as solicitudes e comproba os requisitos esixidos e a documentación acreditativa destes.

Unha vez pechado o prazo de alegacións á "Listaxe provisional de persoas admitidas e non admitidas" o 18 de abril, non se presentou alegación algunha.

Por elo, publícase a seguinte listaxe definitiva de persoas admitidas e non admitidas no programa BOLSAS EUROPA FP-PROXECTO ACOREUROPA XII. Para continuar o proceso selectivo, as persoas admitidas deberán enviar ao correo electrónico educacion@coruna.gal a seguinte documentación, ate o venres 10 de maio:

• Fotografía recente tamaño carné.
• Curiculum europeo (Europass), en inglés.
• Application form, en inglés. 
• Carta de motivación, en inglés.
• Declaración xurada do cumprimento das obrigas tributarias.

Os modelos poden atoparse na ficha de inscrición do programa https://edu.coruna.gal/coruna_educa_familias/acore/

O SME ten solicitado aos centros educativos do consorcio a documentación das persoas admitidas de cada centro (o certificado do expediente académico e o informe da titoría do ciclo formativo ou da dirección do centro docente) para a súa valoración.

Calquera aclaración ou consulta pódese facer no correo educacion@coruna.gal ou no teléfono 981 184 200, extensión 10259 (en horario de 9.00 a 14.00h).