Álvaro Marín, que conquistou a proba da X Carreira Torre de Hércules #IMPORTAEMOITO-Trofeo José Antonio Varela Calviño e foi bronce na VI Carreira Popular de Matogrande, lidera a clasificación do Circuíto Coruña Corre en categoría masculina con catro puntos.

Despois de dúas carreiras, o atleta do club The Covardes leva un punto menos que os que suma Abdelaziz Fatihi, que foi terceiro na contorna do faro milenario e segundo na anterior proba do circuíto. Álvaro Presedo completa o podio con seis puntos.

En categoría feminina, á fronte da táboa está Nerea Sánchez con 255 puntos. Foi cuarta en Matogrande e terceira na Torre. A súa regularidade levouna á primeira posición.

Acumula catorce puntos menos que os de Inés Papín (269). Xa por encima dos 300 puntos (324) figura Nati García.

Running Oleiros 1, con 3 puntos, encabeza o circuíto en mixto adultos/as, con Showrunnners CAS e CompisCas 6* no podio; e en familias, por agora, está á fronte a Soto Viñas e Gontán Castro, cun punto e unha proba disputada cada unha, seguidas pola González Fernández, con dous puntos en dúas carreiras.

Todas as clasificacións do circuíto telas á túa disposición nesta ligazón: https://corunacorre.com/es/web/resultado/edicion-88/clasificaciones.