Na conferencia, que comezará ás 20.00 horas, o académico realizará un estudo que vai desde os primeiros habitantes de Galicia, pasando polos celtas, ata a chegada do Imperio Romano. O ciclo inclúe outras tres conferencias, tamén a cargo de Felipe Senén, o 25 de novembro, e o 3 e 11 de decembro.

Senén conta cun importante traballo na dinamización cultural galega como fundador da Asociación cultural Avantar de Carballiño, Alexandre Bóveda da Coruña, o seminario "A nosa terra" e a revista de pedagoxía "Ensino", publicacións coas que colabora con artigos de divulgación e sensibilización sobre o patrimonio cultural de Galicia.