A Comisión de Seguimiento da emerxencia sanitaria composta por a alcaldesa da Coruña, Inés Rey, a concelleira de Medio Ambiente, Yoya Neira, a concelleira de Seguridade Cidadá e Interior, Montserrat Paz, e o concelleiro de Economía e Planificación Estratéxica, José Manuel Lage, ademais de técnicos municipais das diferentes áreas, fixo balance esta mañá do estado actual da recollida de lixo, dos actos vandálicos que se están a producir e do funcionamento da empresa de emerxencia contratada para reforzar a recollida do lixo. 

Recollida de emerxencia 

A empresa encargada da recollida de emerxencia comezou esta mesma mañá a traballar sen incidencias. Os cinco equipos en funcionamento comezaron a recoller o lixo en puntos especialmente sensibles como as proximidades dos centros sanitarios e nos puntos críticos de insalubridade detectados para decretar a emerxencia. 

Incidencias 

Esta noite ás 2.20 horas houbo un incendio nun contedor de papel na rúa San Rosendo coa avenida dos Mallos afectando parcialmente a un vehículo e á fachada dun herbolario. Ás 05.03 horas prodúcense varios incendios en contedores da Avenida Finisterre 183, 186 e 193, tendo que intervir os bombeiros no 183.

Porcentaxes de recollida da empresa adxudicataria por zonas da pasada noite

• Montealto: 10%
• Cidade Vella: 20%
• Pescaría:: 95%
• Os Rosales-Labañou: 15%
• Estadio: 15%
• Ventorrillo-Agra do Orzán: 30%
• Sagrada Familia: 10%
• Sardiñeira-Elviña: 15%
• Os Mallos: 45%
• Castrillón: 10%
• Os Castros: 5%
• Matogrande-Eirís: 15%
• Mesoiro-Feáns-Valaire: 35%