Concello da Coruña

Concello da Coruña

Cando:

2 de marzo de 2021

Comezan as obras do ascensor que mellorará a accesibilidade nos Castros

O goberno de Inés Rey formulou esta intervención conxuntamente coa remodelación da praza da Concordia, en que o Concello investiu 212.000 euros. Ambas as actuacións suman máis de 600.00 euros para mellorar a accesibilidade e humanizar o barrio dos Castros.

O Concello inicia as obras para instalar o ascensor dos Castros, que mellorará a accesibilidade no barrio ao conectar as rúas Vila de Padrón e Ortigueira coa avenida da Pasaxe. O obxectivo é que as persoas con mobilidade reducida poidan acceder á zona superior deste espazo público.

O goberno de Inés Rey formulou esta intervención conxuntamente coa remodelación da praza da Concordia, en que o Concello investiu 212.000 euros. Ambas as actuacións suman máis de 600.00 euros para mellorar a accesibilidade e humanizar o barrio dos Castros.

Esta actuación, que conta cun orzamento de 402.000 euros e un prazo máximo de execución de seis meses, permitirá salvar a elevada pendente que existe na avenida da Concordia. O ascensor, que terá unha capacidade máxima de 12 persoas, desembarcará nunha ampla marquesiña de 18 metros que se utilizará como parada de autobuses urbanos e interurbanos. O novo elevador irá montado sobre un bastidor metálico e disporá dun cerramento de vidro que permitirá a vista panorámica da contorna.

Desde a concellaría aseguran que o primeiro paso nesta actuación para instalar o elevador é realizar o estudo xeotécnico para valorar os servizos existentes e poder executar todos os traballos con garantías. A duración desta primeira fase pode prolongarse até os 15 días.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión