Desde o Servizo de Emprego e Economía Social está a promoverse unha acción de dinamización comercial no barrio da Sagrada Familia.

Mediante o reparto de entradas gratuítas a través dos comercios da zona e en colaboración coa Asociación de comerciantes.

Serán repartidas un total de 288 entradas para asistir ás sesións infantil e xuvenil de cinema, que terá lugar no centro cívico da Sagrada Familia todos os sábados de novembro, en horario de 17.00 a 19.00 horas a sesión infantil e, de 20.00 a 22.00 horas a sesión xuvenil.

Esta acción enmárcase dentro da dinamización comercial, que persegue un dobre obxectivo: por unha banda premiar a fidelidade do cliente do comercio do barrio e, por outra banda, ofertar un espazo lúdico alternativo á rúa.