Capacidade

A posta en marcha de cada actividade estará condicionada a alcanzar un número mínimo de participantes, de acordo sempre coa capacidade máxima permitida.

Clubs

Nos clubs seguirán as mesmas persoas da convocatoria anterior e só se ofertarán prazas en caso de ter que completar os grupos. Estas prazas cubriranse coas listaxes de agarda xa existentes. No caso de que aínda queden vacantes, anunciaranse no centro cívico correspondente e cubriranse por orde de inscrición nas mesmas datas que o resto de actividades.

Preinscrición: 1, 2 e 3 de setembro

Realizarase preferentemente en liña. Para realizar a preinscrición cubrirase o formulario que atoparemos aquí: Formulario de preinscrición en actividades e tamén abaixo xunto ás actividades de cada centro cívico en TAMÉN CHE PODE INTERESAR. Este formulario estará dispoñible desde as 08.00 h do día 1 de setembro ata as 23.59 h do día 3 de setembro.

As actividades pódense consultar unha a unha no menú superior da páxina, en ACTIVIDADES preinscricións próximas, tamén as propias de cada centro cívico en cada páxina de cada centro cívico e en formato para imprimir en PDF por centro cívico en ACTIVIDADES Convocatoria setembro 2023. Se se quixese descargar a programación de actividades de todos os centros cívicos, pódese ver no documento que se achega.

Cada persoa poderá solicitar un máximo de tres actividades por orde de preferencia

Terán preferencia as persoas empadroadas no Concello da Coruña.

As persoas que non teñan acceso a Internet, e só nese caso, poderán realizar a preinscrición chamando ao núm. de teléfono 881 151 068 eses mesmos días (operativo soamente os días 1, 2 e 3 de setembro) en horario de 10.00 a 14.00 e de 16.00 a 20.00 horas.

Cada persoa que realice a preinscrición telefonicamente só poderá xestionar 3 solicitudes.

Publicación das listaxes de preinscrición nos centros cívicos: 6 de setembro

As listaxes poderanse consultar nos centros cívicos, nesta web e chamando ao teléfono gratuíto de información cidadá 010.

Reclamacións ás listaxes de preinscrición: 7 de setembro

Faranse a través do teléfono gratuíto de información cidadá 010 en horario de 11.00 a 13.30 e de 16.00 a 18.00 horas

Sorteo público: 8 de setembro ás 10.00 h

Realizarase en cada centro cívico.

Publicación das listaxes de admisión e de agarda: 18 de setembro

Poderanse consultar nos centros cívicos, nesta web ou chamando ao teléfono gratuíto de información cidadá 010.

Prazo de inscrición e pagamento de taxas para as persoas admitidas: será preferentemente en liña os días 19, 20 e 21 de setembro. De non facelo nestas datas perderase o dereito á praza.

Listaxes de agarda. Prazo de inscrición e pagamento de taxas: desde o centro cívico correspondente confirmaráselle a praza telefonicamente á persoa interesada a partir do día 29 de setembro e, unha vez que sexa avisada, procederase ao pagamento da taxa correspondente.

Necesitarase ter unha carta de pagamento que sempre se adquirirá entrando na web municipal.

Procedemento de pagamento

Nas listaxes de persoas admitidas e de agarda figurará un código, que haberá que introducir cando sexa requirido ao longo do proceso de pagamento. Cada código indica a persoa que está a se inscribir na actividade, o centro no que se inscribe e a actividade solicitada. Así, cada actividade que solicite unha persoa, terá un código diferente polo que cada actividade terase que aboar por separado. O mesmo código non vale para todas as actividades.

O pagamento tamén se pode facer presencialmente imprimindo a carta de pagamento e presentándoa no banco ou caixeiro. A continuación hai que levar o xustificante de pagamento ao centro cívico onde se vai desenvolver a actividade para que conste que se aboou.

O concello conta con dúas entidades bancarias asociadas para poder aboar as actividades: ABANCA e Banco Santander.

Para as actividades gratuítas tamén deberá imprimirse a carta de pagamento e entregala no centro cívico.

Data de inicio de actividades:

A partir do día 25 de setembro en función de cada actividade.

Nota: todas as actividades de Maiores son para persoas que teñan 65 anos cumpridos ou máis. Exceptuando aquelas persoas que, cumpridos os 60, xa estean xubiladas.