O domingo 24 de abril, Coruña10 busca gañadores e gañadoras na súa décimo sexta edición. Nas anteriores, un total de 19 deportistas lograron colgarse a medalla de ouro e a que máis veces a conquistou, un total de catro, foi Solange Pereira.

Os kenyanos Jacob Yator (28:48) e Gladys Cherono (32:06), que foi prata no Mundial de Moscova 2013 en 10K, estrearon o palmarés da Coruña10 2007.

En 2008, impuxéronse El Mouaziz (29:49) e Ana Dias (34:16); en 2009, repetiu Cherono (31:40) e tamén gañaron Peter Kirui (28:09); Lolo Penas (30:51) e Ana Dias (34:24), que logrou o seu segundo ouro nesta proba, subiron todo o máis alto do podio en 2010; Hassan Lekhiki (30:29) e Solange Pereira (35:20) conquistárona en 2011; e Alejandro Fernández (30:40) e Yolanda Gutiérrez (35:57) levárona en 2012 e repetiron en 2013 (29:46 e 34:47, respectivamente).

En 2014 retocouse o percorrido inicial e impuxéronse David Solís (30:10) e Solange Pereira (34:45), que materializaba a súa segunda conquista de Coruña10.

A carreira concentrouse entre 2015 e 2019 nun dos lados da península herculina, o das praias. Alí triunfaron Youness Ait (30:17) e Paula González (35:20) o primeiro ano; Abdelhadi El Mouaziz (29:43) e Solange Pereira (34:48) adxudicárona en 2016 e 2017 (30:27 e 34:40, respectivamente); en 2018 foi para Alejandro Fernández (29:58) e Edymar Brea (33:57) e en 2019, para a irmá desta, Joselyn (33:23) e Kiprop Cheruiyot (29:56).

Despois da pandemia, polo outro costado da cidade, Nassim Hassaous gañou ao esprint (29:12) e a kenyana Selah Busienei levou a carreira feminina con autoridade (32:30). En abril, nova oportunidade para incorporarse ao palmarés ou repetir.

Gañadores/as da Coruña 10:

• Solange Pereira (2011, 2014, 2016, 2017)
• Alejandro Fernández (2012, 2013, 2018)
• Gladys Cherono (2007, 2009)
• Ana Dias (2008, 2010)
• Yolanda Gutiérrez (2012, 2013)
• Abdelhadi El Mouaziz (2016, 2017)
• Jacob Yator (2007)
• Hamid El Mouaziz (2008)
• Peter Kirui (2009)
• Lolo Penas (2010)
• Hassan Lekhiki (2011)
• David Solís (2014)
• Youness Ait (2015)
• Paula González (2015)
• Edymar Brea (2018)
• Kiprop Cheruiyot (2019)
• Joselyn Brea (2019)
• Nassim Hassaous (2021)
• Selah Busienei (2021)