A 'xente dos barrios' volve á acción en setembro coa quinta etapa de Coruña Corre, que visitará Oza e Eirís e conectará tres parques: San Diego, Eirís e Oza.

A carreira absoluta presenta un percorrido aproximado de 6.250 metros con saída desde San Diego, xiro cara á avenida da Pasaxe, subida pola avenida da Concordia, baixada ata o parque de Eirís, ascenso ata o parque de Oza e preto dun quilómetro pola rolda de Outeiro para regresar ao punto de partida.

En categorías sub-18 e sub-16 darán tres voltas (2.430 metros) ao parque de San Diego; en sub-14 serán dúas voltas (1.620 metros) e en sub-12 e sub-10, quedará nunha (810 metros).

Para Peques, o percorrido reducirase a 150 metros cunha recta polo parque de San Diego.

O período de inscrición atópase activo na web https://corunacorre.com/é/web/inscripcion/2237/?r=1 ata o 4 de setembro ás 23.59 horas.