Divulgar e profundar no ensino e aprendizaxe das matemáticas é un dos principais obxectivos da XVI edición da Feira Matemática.

O Servizo Municipal de Educación colabora nestas xornadas organizadas pola Asociación Galega de Profesorado de Educación Matemática (Agapema) O evento, dedicado a todas as etapas do ensino, consiste nunha Feira na que cada centro, profesorado e alumnado pode expoñer e presentar as propostas didácticas que considere.

O lema deste ano para o día escolar das matemáticas é "As matemáticas dos volcáns", eixe que guía ao persoal docente a preparar a actividade ou o material. Cada centro inscrito na actividade disporá dunha caseta ou posto para mostrar todas as súas experiencias de aula, xogos ou exposicións.