O vindeiro martes 31 de outubro realizarase na praza de María Pita a Festa de Samaín, coa que finaliza unha actividade programada polo Concello para dinamizar o comercio de barrio. Desenvolvéronse accións propias desta festa, na que participaron nenos de educación primaria dos centros educativos interesados, que percorreron as tendas de barrio. Durante o mes de outubro o comercio repartiu rifas entre as súas persoas clientas para participar nun sorteo de 200 vales de compra.

A actividade finaliza o martes 31 de outubro cun pasacalles da Santa Compaña e unha gran festa con magosto na praza de María Pita. O martes 31 pola mañá realizarase o sorteo das rifas entregadas polo comercio de barrio e publicaranse as premiadas na páxina web do Concello. Pola tarde, durante a festa, sortearanse diversos premios, entre os que destaca unha viaxe a Disney para catro persoas.