O incendio iníciase no salón dunha vivenda da última planta do edificio. Nese momento, non se encontra ningunha persoa na devandita planta. O lume propágase ás súas anchas polo resto dela, ata que a un viandante lle caen cascotes do tellado.

O fume é intenso e as chamas saen polas ventás. Escóitanse explosións, produto da rotura de cristais e da uralita do tellado. Non houbo que lamentar vítimas pero si danos materiais. O edificio tivo que ser desaloxado por completo durante días ao perder a práctica totalidade do tellado.