A alcaldesa, Inés Rey, presidiu esta mañá a entrega de premios do Calendario Municipal 2023. As persoas autoras das 13 fotografías gañadoras recolleron os seus recoñecementos no Pazo de María Pita. 

A rexedora destacou o labor deste almanaque, que "permite percorrer A Coruña a través das súas imaxes". "O noso calendario é xa todo un clásico destas datas. Está presente na maioría de casas coruñesas e tamén en moitos lugares do mundo, xa que é costume envialo a amigos e familiares", sinalou Inés Rey.

O Calendario Municipal do 2023 xa está dispoñible para mercar nos puntos de venta habituais cun prezo de 1,30 euros. A continuación, a listaxe de premiados e a foto do mes que lle corresponde:

• Portada: Ignacio Sierra Vázquez

• Xaneiro: Daniel Candal Álvarez

• Febreiro: Sindo Novoa Álvarez

• Marzo: Carlos Briones Bioslada

• Abril: Camino Ventura Martínez

• Maio: Víctor Hermida Valeiro

• Xuño: José Luis García Mendoza

• Xullo: Ignacio Fernández Fernández

• Agosto: Pablo Briones Bioslada

• Setembro: Soraya Sampedro Bores

• Outubro: Juan Pablo Ameneiro González

• Novembro: David García Villaverde

• Decembro: Eduardo Mosqueira Rey