O vindeiro venres 8 de maio, o Salón de Plenos do Concello da Coruña será testemuña da entrega ao Colexio Montespiño do seu premio por achegar o maior número de participantes ao Mini Maratón Atlántica.

En total, foron inscritas 108 alumnas deste colexio, o que máis participantes presentou a esta primeira edición das carreiras de menores de Coruña42, seguido polo Colexio Obradoiro e polo CEIP María Pita. O Concello contou coa colaboración da Obra Social de La Caixa, quen tamén animou a todos os colexios a tomar a saída na proba proporcionando o premio de 500 euros en material deportivo, para o colexio gañador.

Un total de 1000 escolares coruñeses tomaron parte nesta primeira edición do Mini Maratón Atlántica, na que todos pasaron baixo o arco de meta e recibiron a súa medalla de finishers, demostrando que debe ser unha actividade para incorporar definitivamente na fin de semana do Maratón Atlántica Coruña42.