17 de febreiro de 2024
O dispositivo, promovido polo Goberno de Inés Rey, ponse en marcha este luns. Ademais de hidrolimpiadoras e baldeo de alta presión, ampliarase o servizo de barrido mecánico
O Concello da Coruña pon en marcha este luns 19 un plan especial para garantir unha limpeza intensiva e en profundidade nas rúas, beirarrúas e, en xeral, nos espazos públicos da cidade.
O plan, denominado Barrio a Barrio e impulsado polo Goberno de Inés Rey, é unha medida complementaria e adicional que se suma ao servizo habitual de limpeza viaria, e que terá continuidade no tempo, xa que o obxectivo é que o plan chegue a todos os barrios da Coruña a través dun formato rotatorio mensual.
"Comezaremos a traballar este luns nos barrios dos Rosales e Labañou, onde se intensificará a limpeza viaria das rúas con hidrolimpiadoras e baldeo de alta presión. Ademais, ampliarase o servizo de barrido mecánico", detallou hoxe a concelleira de Medio Ambiente, Noemí Díaz.
Este plantexamento será o que se leve, de forma paulatina, a todos os barrios da cidade. Tras Os Rosales e Labañou -onde os traballos durarán catro semanas consecutivas-, será o turno do barrio da Agra do Orzán e, a continuación, de barrios como o Ventorrillo e a Sagrada Familia, distritos nos que tamén se executará este plan de carácter mensual atendendo tamén ás súas necesidades específicas.
A idea, tal e como lembrou Noemí Díaz, "é que os traballos se executen ampliando o radio de acción de forma progresiva cara os barrios lindeiros, un tras de outro. É dicir, extendéndose dun barrio a outro para que haxa unha continuidade en termos xeográficos".
A data de comezo, á conclusión das festas de Entroido
Barrio a Barrio activarase este luns 19, unha vez remate a programación prevista polas festas de Entroido na Coruña. A meirande parte de celebracións tiveron lugar entre o luns e o Martes de Entroido, mais aínda hai festexos e ruadas que terán lugar en diversos barrios ao longo da fin de semana, de aí que se optase por activar mañá o plan complementario de limpeza viaria, co obxectivo de iniciar os traballos toda vez rematen as actividades ao aire libre, sen obstaculizalas.
24 de abril de 2024
18 de abril de 2024
5 de abril de 2024
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible