Desde o Concello infórmase dos servizos especiais que se habilitarán con motivo das Festas de María Pita 2019.

Concertos na Praza de María Pita

Os días 1, 2, 3 e 4 de agosto ao remate dos concertos, previsto ás 00.30 horas, haberá un dispositivo especial con saídas desde Porta Real, que consistirá en:

• Unha liña identificada como 1 que dará cobertura ás zonas da Palloza, Gaiteira, Os Castros, Castrillón e Avda. de Monelos.

• Unha liña identificada como 1A para as zonas de Catro Camiños, Salvador de Madariaga, Matogrande e Eirís.

• Unha liña identificada como 3A que dará servizo ás zonas de Labañou e Os Rosales.

• Unha liña identificada como 6 que sairá de Porta Real e entrará por Juana de Vega á praza de Pontevedra, Avda. de Fisterra, Ventorrillo e Meicende.

• Unha liña identificada como 7 que sairá de Porta Real e entrará por Juana de Vega para lles dar servizo ás zonas de Peruleiro, Rolda de Outeiro, Ventorrillo e Vila de Negreira.

• Unha liña identificada como 11 que sairá de Porta Real e entrará por Juana de Vega, praza de Pontevedra, Juan Flórez, Pla y Cancela para dar servizo á zona dos Mallos.

• Unha liña identificada como 21 para dar cobertura a Ramón y Cajal, Pablo Picasso, Birloque e  Novo Mesoiro.

A partir da 01:30 horas entrarán en servizo os dous "bufos", un no sentido de circulación habitual Labañou - Rolda de Outeiro - Birloque, e outro no inverso, Os Castros - Castrillón - Monelos -  Eirís.

Noroeste Pop Rock

Os días 6, 7 e 8 de agosto realizaranse concertos en diversos escenarios. Como consecuencia poñeranse en servizo dous "bufos", un no sentido de circulación habitual, Labañou - Ronda de Outeiro - Birloque, e outro no inverso, Os Castros - Castrillón - Monelos -  Eiris, saíndo o primeiro ás 23:30 e o último ás 01:30 horas.

Os días 9 e 10, os concertos celebraranse na praia de Riazor. Por tal motivo poñeranse en servizo dous "bufos", un no sentido de circulación habitual, Labañou - Rolda de Outeiro - Birloque, e outro no inverso, Os Castros - Castrillón - Monelos -  Eiris. O primeiro sairá ás 23:30 horas e o último ás 05:00 horas. Tamén se instalará unha parada provisional no Paseo Marítimo, á altura da coiraza antes da intersección con Modesta Goicouría.

Batalla Naval

O día 14 con motivo da realización da Batalla Naval poñerase o servizo nocturno cun intervalo de 15 minutos e sairá o primeiro ás 23:30 horas. A partir da 01:30 h quedarán dous buses en servizo cunha frecuencia de 30 minutos e a última saída será ás 05:00 horas.