O Goberno da Coruña comezou este martes coa segunda fase de implantación dos novos contedores que promoven e facilitan a recollida diferenciada de roupa usada e materiais téxtiles. O pasado xaneiro, a Concellería de Medio Ambiente deu luz verde a este ambicioso programa que pretende colocar os dispositivos por toda a cidade para permitir que a cidadanía deposite neles este tipo de residuos. A primeira fase comezou coa instalación de 22 depósitos en espazos municipais da cidade --principalmente en centros cívicos e mercados municipais--. Nesta segunda fase, que comeza hoxe, abordarase a instalación doutros 25 contedores máis, tamén ubicados especialmente no entorno de centros cívicos e municipais.

O convenio, que se desenvolve a través dun programa coa entidade Padre Rubinos contempla a colocación dun total de 125 contedores, dos que xa se levan implantado case o 40%, sendo a previsión a de que no mes de xuño se alcance o 60%. Posteriormente, a Concellería de Medio Ambiente iniciará un período de revisión e seguimento da actividade en cada contedor, á fin de poder establecer melloras ou resolver demandas da cidadanía --se é que fose preciso-- antes de abordar a instalacións dos seguintes.

“O Concello quere potenciar este tipo de recollida diferenciada, que ten unha grande calidade na separación e que, sobre todo, está servindo para introducir socialmente a persoas con necesidades de reincorporarse ao mercado laboral”, indicou a concelleira responsable de área de Medio Ambiente, María García. “É necesario aproveitar este tipo de residuos valorizables, que revisten interese económico, para acadar unha maior igualdade e maior inserción laboral na cidadanía”, dixo.

En concreto, os novos contedores se ubicarán nos seguintes puntos:

1. Antiga Instalación de Padre Rubinos

2. Rúa Nova /Rúa Vella

3. Praza dos Ángeles

4. Centro Cívico Eirís

5. Juan Díaz Porlier/Luciano Yordi de Carricarte

6. Rúa José Luis Bugallal Marchesi/Rúa Salvador y Merino

7. Centro Cívico Novonoandanza

8. Barrios dos Pescadores

9. Biblioteca Municipal Sagrada Familia

10. Centro Cívico San Pedro de Visma

11. Rúa da Haya/U.P. Valoire

12. Avenida Finisterre/San Pedro de Mezonzo

13. Centro Cívico Labañou

14. Casa da Auga/Estadio de Riazor

15. Santa Gema/Luis López Casanegra

16. Catro Camiños/Alexandre Bóveda

17. Praza de Galicia

18. Caleixón da Estacada/Avenida da Mariña

19. Rúa Isabel López Gandalla/Rúa Maestranza

20. Nosa Señora da Luz/Ronda de Outeiro

21. Futura Avenida de Oza (General Sanjurjo) 200/Mirador dos Castros

22. Rúa Roberto Tojeiro Díaz/Cubela

23. Rúa San Vicente/ Ramón Cabanillas

24. Rúa Nicaragua/Enrique Dequidt Hevia

25. Pablo Picasso/Alexandre Von Humbolt