23 de xaneiro de 2024
Renovouse tamén o circuíto de escaleiras coa rolda de Monte Alto, onde se crearon novas zonas verdes e un espazo de lecer
A intervención consistiu na renovación da rede de saneamento, do pavimento e do sistema de iluminación
O Concello da Coruña, a través da Concellaría de Infraestruturas, rematou as obras para mellorar a accesibilidade no sector norte da rúa San Antonio, situada no barrio de Monte Alto.
A intervención deseñada polo Goberno de Inés Rey, que se executou baseándose nas solicitudes veciñais, centrouse no treito de San Antonio comprendido na intersección conectada coa rúa Santa Cecilia e a rolda de Monte Alto. Renovouse a rede de saneamento, que implicou a substitución dos antigos colectores, feitos en gres e con 200 mm de diámetro exterior. As novas tubaxes son de PVC e contan cun diámetro exterior máis amplo, de 315 mm, que reforza a seguridade fronte a posibles fugas.
Tamén se levou a cabo a renovación total do firme, que pasa a estar disposto en forma de plataforma única, coas zonas peonís adoquinadas e diferenciadas do carril central -con 2,5 metros de anchura, e destinado ao paso dos vehículos para as persoas residentes-, no que o pavimento é de formigón semipulido.
Ademais, reconfigurouse o cruzamento entre o treito norte de San Antonio e a rúa Santa Cecilia, ampliando os espazos peonís. Ademais de incrementar a superficie de beirarrúa neste enclave, no acceso ao principal paso peonil con Santa Cecilia dispúxose un pavimento específico con baldosa podotáctil.
Acometeuse tamén a renovación do circuíto de iluminación, coa substitución das antigas lámpadas, xa obsoletas, por dispositivos de última xeración e tecnoloxía led, máis eficientes e susceptibles de poder regularse por tramos horarios.
Remodelación das escaleiras de acceso á rolda de Monte Alto
No contexto dos traballos, tamén se levou a cabo a renovación integral das escaleiras que conectan a rúa San Antonio coa rolda de Monte Alto. Partindo desde o alto de San Antonio, en ambos os laterais das escaleiras levouse a cabo un recubrimento do valo existente, con empedrados e callaos. En paralelo aos laterais do valo instaláronse tamén pasamáns dobres.
Esta intervención supuxo, ademais, o aproveitamento dos laterais inferiores das escaleiras, onde se crearon dúas pequenas xardineiras onde se dispoñen, ademais, novos espazos con bancos de madeira.
19 de maio de 2024
16 de maio de 2024
15 de maio de 2024
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible