Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Cando:

10 de maio de 2020

O concello convoca a trixésima terceira edición dos premios Prismas Casa das Ciencias

Nesta edición dos premios, que recoñecen a excelencia en todas as áreas da divulgación científica, cobra especial importancia o labor de xornalistas, documentalistas e divulgadoras/es que fan que a ciencia chegue de forma comprensible a toda a cidadanía O prazo de presentación de traballos finaliza o 31 de xullo en sete das oito modalidades; na de libros editados, remata o 30 de xuño

O Concello da Coruña, a través dos Museos Científicos, convoca a XXXIII edición dos premios Prismas Casa das Ciencias á Divulgación. Este certame premiará cun Prisma de Bronce os mellores traballos en oito categorías: Vídeo, Novos medios, Texto inédito, Libro editado, Artigo xornalístico, Radio, Proxectos singulares e Prisma especial do xurado. Ademais, todas as modalidades, agás a do Libro editado e o Prisma especial do xurado, están dotadas cun premio de 4.000 euros.

Esta trixésima terceira edición dos Prismas desenvólvese nun momento en que vivimos unha situación excepcional, que nos demostra a importancia da ciencia na nosa sociedade. A ciencia explícanos a beleza do universo, explora o potencial dos recursos da Terra e descifra a complexidade das relacións entre os seres vivos. Hoxe somos conscientes de que tamén é nosa mellor ferramenta para entender e defendérmonos fronte as ameazas da natureza como os virus. Con todo, o coñecemento científico non serve de moito se non é asumido polo conxunto da sociedade. Por iso, necesitamos xornalistas, documentalistas e divulgadoras/es que fagan que a ciencia chegue de forma comprensible a toda a cidadanía.

As persoas que desexen participar nesta convocatoria dos Prismas á Divulgación poden presentar os seus traballos e candidaturas antes do 30 de xuño para a modalidade de libros editados, e antes do 31 de xullo nas demais categorías. Os Prismas entregaranse no transcurso dun acto que terá lugar na Coruña o sábado 14 de novembro de 2020.

Máis información:

http://www.coruna.gal/mc2/es/premios/prismas

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión