O Concello da Coruña, por boca do seu alcalde, Xulio Ferreiro, quere amosar o seu fondo pesar polo falecemento do escritor, académico e Doutor Honoris Causa pola Universidade da Coruña, Xosé Neira Vilas.

O rexedor lamentou profundamente o falecemento do senlleiro escritor. autor, entre outras obras imprescindibles da literatura galega, de Memorias dun Neno Labrego, libro “co que se identificaron varias xeracións de galegos e galegas, entre eles, a miña”. A condición de emigrante, presente en todos os seus escritos, “tamén contribuiu ao coñecemento da súa obra e a complicidade e cariño que espertou”.

Ferreiro quixo destacar a vinculación de Neira Vilas coa cidade da Coruña, a través tanto da Universidade, como das súas anuais visitas á Feira do Libro, ou pola súa condición de membro da Real Academia Galega, institución centenaria ubicada na cidade.

Por todo esto, o Concello da Coruña quere enviar as súas condolencias á familia e as amizades de Xosé Neira Vilas.